អ៊ិន សុភិន និងភរិយា ធ្វើរឿងរំភើបមួយឲ្យកូន និងចៅស្រី នៅអាមេរិក

09-10-2018 9:25am

ភ្នំពេញៈ​ ដូចពាក្យចាស់ពោលថា​ "ស្រលាញ់កូនមួយតៅ​ ស្រលាញ់ចៅមួយថាំង"​ មិនខុសនោះទេ​ បើប្រៀបធៀបពីចិត្តឪពុកម្តាយគ្រប់រូប​ គឺតែងស្រលាញ់កូនចៅជារឿងធម្មតា។ ដោយឡែកបើងាកទៅមើលម្ចាស់ផលិតកម្មមហាហង្ស​ លោក​ អ៊ិន​ សុភិន​ ដើម្បីកូន​ និងចៅ​ បានធ្វើរឿងមួយ​ ក្នុងបំណងផ្តល់ក្តីសុខការស្រលាញ់ឲ្យគ្រួសារ​ ដោយមិនរុញរា។

រូបថតជាច្រើន​ ត្រូវបានលោកបង្ហោះនៅលើ​ ហ្វេសបុក​ដោយលោកបាននាំភរិយា​ កូនប្រុសស្រី​ និងចៅស្រីបណ្តូលចិត្ត​ ជិះយន្តហោះ​ បោះពួយទៅសហរដ្ឋអាមេរិក​ ក្នុងបំណងដើរកម្សាន្តជុំគ្រួសារ​ និងចូលរួមកម្មវិធីជប់លៀងធំមួយនៅអាមេរិក​ ហើយក្នុងនោះលោកក៏ឆ្លៀតឱកាសរៀបចំកម្មវិធីជប់លៀង​ ថ្ងៃខួបកំណើតចៅស្រី​ ភិន​ សុខេតធើរីណា​ (Katerina)​ នៅភោជនីយដ្ឋាន​ Legend Seafood Restaurant នៅទីក្រុង​ ឡុងប៊ិច​ ផងដែរ។

លោក​ អ៊ិន​ សុភិន​ បានប្រាប់ឲ្យដឹងថា​ នៅក្នុងឱកាសបុណ្យភ្ជុំនេះ​ លោកបាននាំគ្រួសារមកដើរកម្សាន្ត​ នៅអាមេរិក​ ព្រោះតែចង់ដើរលេងសប្បាយជុំគ្នា​ ហើយម្យ៉ាងទៀត​ កូនស្រីច្បងរបស់លោក​ គឺដាលីស​ ត្រូវបានតារាសម្តែងជើងចាស់​ លោក​ យស​ បូវណ្ណៈ​ ​ដែលជាតារាល្បីទសវត្សរ៍​ ឆ្នាំ​ ៩០​ អញ្ជើញមកចូលរួមកម្មវិធី​ ជប់លៀងធំរាត្រីសមោសរ​ ជួបជុំបងប្អូនខ្មែរនៅទីនេះផង​ និងកាន់តែពិសេសនោះគឺ​ រៀបចំពិធីជប់លៀង​ ខួបកំណើតអោយចៅស្រីបណ្តូលចិត្ត​ នៅទីនេះដូចគ្នា។ ហើយលោកនឹងបន្តដំណើរទៅដើរលេង​ នៅកាណាដាបន្តទៀត៕